Хайрын 5 хэл
Aug 13, 2020
(Хүмүүсийн нэрийг монголчлов )
Цолмон Энхбат 2 гэр бүл болоод 12 жил болж байгаа. Энэ 2-ын амьдарлыг гаднаас нь харахад өөлөх юмгүй. 3 хөөрхөн хүүхэдтэй. Сайхан гэр орон, машин тэрэгтэй. Хөрөнгө санхүүгийн хувьд хэнээс ч дутахгүй подхийсэн амьжиргаатай айл. Гэтэл яг начир дээрээ энэ хоёрын амьдрал өнгөн дээрх шигээ өөгүй сайхан биш ажээ. Хурим хийсний маргаашнаас нь шахуу л энэ 2 таарахаа больжээ.
Санал нийлдэг юм гэж тэр 2т байхгүй. Ам ангайвал зөрөлдөнө. Юу бодож яваад ийм хүнтэй суучихсан юм болоо гэж өөрсдийгөө гайхах ч энүүхэнд.
Энхбат ажил ихтэй, шөнийн бор хоногтоо л үзэгдэнэ. Цолмон гэр орон, 3 хүүхдээ зохицуулж гэрээс холдож чадахгүй, ийш тийш явах, орж гарах боломж маруухан. Тааралдахаараа нэгнийгээ мэрж байдаг 2 сүүлдээ ер нь хэрэлдэхгүйн тулд нэгнээсээ зайлсхийх болов. Ингэлээ гээд байдал дээрдсэнгүй, харин ч тэр 2 -ын хоорондох зай улам томорчээ. Хайрын торх гэдэг юм нь хоосон болсноос яг үнэндээ энэ 2ын дунд том ангал үүсээд байгаа юм.
Эхнэр...
"Тэвчээр"
Aug 12, 2020
Номын зохиолч, америкийн сэтгүүлч Францад нялх хүүхэдтэйгээ ресторанд ороод ахиж хүүхэдтэй болохгүй, ахиж хүүхэд дагуулж аялалаар явахгүй гэж бодсон гэдэг. Үүний хажуугаар франц хүүхдүүд хоол идэхдээ голохгүй үлдээхгүй бас томоотой суун идэж байгааг хараад үнэхээр гайхжээ. Тэгээд л тэр нууцыг мэдэхээр жирийн франц хүүхэд асрагчаас авхуулаад сурган хүмүүжүүлэгч, сэтгэл зүйч зэрэг хүмүүстэй уулзаж бас тэд нарын номыг уншиж судалсны үндсэн дээр уг номоо бичжээ.
Ингээд уг номын гол санаа болох хүүхдээ тэвчээрт сургах тухай хуваалцая!
Миний бас хүүхдүүд дээрээ анхаардаг зүйлтэй маань нилээн давхцсан сонирхолтой хэсэг байлаа. Номын зохиогч, Уолтер Мишел хэмээх 80 гарсан, дэлхийд алдартай сэтгэл зүйчтэй уулзаж ярилцаж л дээ. Мишел бол Колумбын ИС-д сэтгэл зүй заадаг байсан, 1960 онд `` Хөөсөн чихрийн туршилт`` аараа алдартай хүн. Тэр нь 4-5 насны 653 хүүхдийг хамарсан туршилт байсан ба тэдгээр хүүхдүүдийг нэг өрөөнд ганцааранг нь 15 минут орхино. Ширээн дээр ганц хөөсөн чихэр...
“Саятан хүний амжилтинд хүрэх дадал зуршил”
Aug 12, 2020
Иймэрхүү гарчигтай ном огт сонирхдоггүй ч Фейсбүүкт номын зохиогч Дин Грациозигийн тухай мэдээлэлтэй санамсаргүй таарсан минь энэ номыг уншихад хүргэсэн гэх үү дээ. Тэгээд саятангуудын тархинд ер нь ямар бодол байдаг юм, энгийн хүнээс юугаараа ялгаатай байдаг юм гэдгийг мэдэх сониуч хүсэлдээ автаад уншлаа. Уг ном энэ онд хэвлэгдсэн шинэхэн бүтээл юм.
Багадаа ядуу бэрх амьдралыг туулсан Дин нэгэн төрлийн хөгжлийн бэрхшээл болох бичиг үсэг таних чадваргүй нэгэн байсан боловч уг номыг оруулаад өдгөө түүний бичсэн олон ном New York Times-ийн бестселлэр болсон байдаг. Түүнд их дээд сургуульд орох боломж ч байгаагүй арайхийн ахлах сургуулиа төгссөн гэдэг.
Анхны номоо бичээд анх хөлсөлсөн редактор нь 7 хоногийн дараа түүн рүү утасдаад “Таны бичсэн зүйл ном биш, 200 хуудас зүгээр л хүүрнэл байна, та ахиж бичих хэрэгтэй” гэсэн боловч тэр шантралгүй өөр редактор хөлсөлж хэлний дүрмийн үүднээс л засаж өгөөрэй, харин миний хэлэх гэснийг нэг ч өгүүлбэр хасаж болохгүй...
# БҮСГҮЙН КОД
Aug 12, 2020
<< Амжилттай бүсгүйн амьдрал, хандлага, дадал, сэтгэлгээний стратегийн нууцад нэвтрэхүй >>
Хорь гаруйхан настай зөөгч бүсгүй найз залуугаасаа 1000 доллар зээлж өөрийн бизнесээ эхлүүлсэн нь өдгөө Нью-Йоркийн үл хөдлөх хөрөнгийн зах зээлд тэрбумаар хэмжигдэх бизнес болтлоо өргөжин томорчээ. Бүсгүйн нэрийг Барбара Коркоран гэдэг бөгөөд Манхэттений "үл хөдлөхийн хатан хаан" хэмээгдэгч. Ноён Дональд Трампын "Плаза" зочид буудлыг Хонконгуудад амжилттайгаар борлуулж, зуучилж борлуулсны шимтгэлээрээ 3%-г хүртэж тухайн үеийн том амжилтыг бүтээжээ. Тэрээр бүсгүйчүүдэд хандан эрчүүд давамгайлсан ажил хэргийн ертөнцөд хэрхэн амжилт олохоос эхлүүлээд эмэгтэй хүний онцлог, бяцхан охин байх үеийн хүмүүжил нь хэрхэн амьдралд нь ач холбогдолоо өгсөн талаараа дэлгэн тайлбарлажээ.
Ээжээс минь өвлүүлсэн кодууд
Хэдийгээр маш завгүй үргэлж л ямар нэгэн ажил хийж байдаг, арван хүүхэд өсгөн хүмүүжүүлдэг ч гэлээ хүүхдийнхээ урмыг хугалахгүйг үргэлж хичээж ажилладаг, шаргуу...
Хүүхэд өсгөн хүмүүжүүлэлтийг цомхотгохуй
Aug 12, 2020
Сүүлийн үед олон новшгүй цомхон амьдрах арга барил ихэд дэлгэрээд байгаа билээ. Хэрхэн гэрийнхээ эд хогшил, хувцас хунраа цэгцлэн багасгаж цомхон амьдрах вэ гэдэг талаарх ном өч төчнөөнөөрөө хэвлэгдэн гарах болсон. Бид тийм л их хэрэгтэй хэрэггүй эд зүйлсийн дунд амьдарч байгаа болохоор тэдгээр ном эрэлт хэрэгцээтэй байгаа юм болов уу. Харин энэ ном бол эд хогшлын цомхотголоор зогсохгүй нүдэнд үл үзэгдэж гарт үл баригдах зүйлсийг ч цомхотгож тэр нь бидний хүүхэд өсгөх хөдөлмөрийг хэрхэн хөнгөвчилж, цаашлаад гэр бүлийн уур амьсгалд хэрхэн сайн нөлөө үзүүлдэг болох тухай бичиж зөвлөсөн ном юм.
Номын зохиогч Ким Жон Пейн бол Америкийн хувийн 200 гаруй сургуульд зөвлөгч, лекц хийхийн хажуугаар 40 жилийн турш сургуулийн сэтгэл зүйн зөвлөх, насан туршийн боловсролын багш, сурган хүмүүжүүлэх багш,судлаач, мэргэжлийн зөвлөхийн ажил, 25 гаруй жил гэр бүлийн сэтгэл зүйчээр ажилласан. Уг ном анх 2009 онд Америкт хэвлэгдэн гарч бестсэллер болж удалгүй 20 орны хэл дээр орчуулагдаж,...
БОСС БҮСГҮЙ
Aug 12, 2020
Америкийн нэр хүнд бүхий Форбс сэтгүүлд "Өөрийн хүчээр хөрөнгөжсөн эмэгтэйчүүд" хэмээх жагсаалтад хориодхон настай залуу бүсгүй 2016 онд хүч түрэн орж иржээ. Тэрээр бусад охидын ажил хайж, анкет бөглөдөг насан дээр интернэтэд суурилсан загвар худалдааны "Насти Гал" хэмээх компани үүсгэн байгуулж өндөр амжилтад хүрсэн байна. Түүгээр ч барахгүй өөрийн биснесийн түүх, ажил хэргийн ертөнцөд хэрхэн манлайлах тухай "Босс бүсгүй" номоо гаргаснаар мөн л дуулиан тарьжээ.
Тэрээр өмнө нь дээд сургууль төгсөөгүй ч, 20 гаруй төрлийн ажлыг хийж үзсэн боловч өөрт нь нэг л таалагдсангүй, зөвхөн хоолныхоо мөнгө олох зорилгоор л дур муутайхан ажилладаг байж. Гэвч энэ үедээ маш их туршлага хуримтлуулж аливаад сэтгэлээсээ хандахын чухалыг сурахаас гадна үйлчлүүлэгчтэй зөв зохистой харьцах талаар чамлахааргүй ихийг ойлгож авчээ.
Хэсэг ажилгүй байсан үедээ зүгээр сууж чадалгүй дуртай зүйлээ хиймээр санагдаж хуучин хувцасны худалдаанаас хямд хувцас (үнийг нь дахин буулгаж) худалдан...
Энгийн дадал
Aug 12, 2020
Ахлах сургуулийн урдаа барьдаг тамирчин, бэйсболийн багийн шилдэг тоглогч явсан миний амьдрал тэр нэг өдрийн золгүй явдлаас болж орвонгоороо эргэсэн юм. Хамтран тоглогчийн маань цохиур нисэн ирж нүүрэн дээр бууснаас болж нүүрниий яс энд тэндгүй цуурч, хамар хугарч, тархинд хаван үүсч, нүд бүлтэрч хүн танихын эцэсгүй эрэмдэг, хөл дээрээ тогтож чадахгүй өрөөл татанхай амьтан болон хувирч билээ хэмээн уг номын зохиолч дурсчээ.
Мэргэжлийн бейсболчин болно гэсэн хүслээр жигүүрлэн нисч явсан үедээ гуйвж дайвсан, юмыг хэдэн давхар болгож хардаг болчихсон амьтан багаасаа хасагдчихаад асгартал уйлж сууснаа мартдаггүй.
Гэвч буцаад бэйсболоо тоглоно гэсэн хүсэл нь түүнийг яавал сайжрахав, яаж буцаад сайн тоглогч болохов гэдэг асуултуудад хариулах зам руу түлхсэн юм.
Эхний ээлжинд нойр сайн авах дадлыг өөртөө суулгахыг хичээв. Үеийнхэн компьютер тоглоом тоглож оройтож унтаж байхад би эрт орондоо ордог болов. Оюутны байрныхаа өрөөг эмх цэгцтэй байлгаж сурав. Ингэснээрээ...
"ЭЦЭГ ЭХЧҮҮДИЙН АЛДАА"
Aug 12, 2020
Энэхүү номын зохиогч нь өөрөө гурван хүүхдийн ээж бөгөөд өдөр тутмын амьдрал болон багшийн мэргэжил нь энэ сэдвийг судлахад нөлөөлж, өөрийн болон бусад гэр бүлүүдийн амьдрал ахуй, тэдний хүүхэдтэйгээ хэрхэн харилцаж байгаа дээр хийсэн ажиглалт нь түүнийг баялаг туршлагатай болгож, зарим асуудлыг арай өөрөөр харж сургамжтай харьцуулалт хийн энэхүү номыг гаргахад хүргэжээ. Тэрээр “Хүүхэд хүмүүжүүлэх гэдэг нь өөрийгөө хүмүүжүүлэх хамгийн шилдэг арга” юм гэсэн байна.
Энэ номыг уншсанаар эцэг эхчүүдийн маш олон алдаа шүүмжлэлүүдийг олж харахаас гадна тэдгээр эцэг эхчүүдийн алдаагаа ухамсарлаагүйгээс болж үүсэх үл ойлголцол нь хүүхдийнх нь сэтгэлд нэмэгдэн нэмэгдсээр арилашгүй шарх буюу насан туршийн дайсагнал ч болж мэдэхийг анхааруулсныг ойлгох болно.
*Эцэг эхээ хайрлах хайр ба хүүхдийн сэтгэлийн шарх
Хүүхэд эцэг эхээ хайрлах хайрыг мэдэж төрдөггүй. Тэд хайрыг эцэг эхийнхээ өдөр тутмын амьдралын хэв маяг, харилцаа, үйл хөдлөлөөс нь, бусдад хэрхэн хайр халамж,...
«Цусны эргэлт бүхнийг шийднэ.»
Aug 12, 2020
Энэхүү ном нь бестселлер болоод байгаа бөгөөд номыг зохиогч Хориэ Акиёши нь Хятадын уламжлалт АУ-ы эм зүйч, тэр дундаа эмэгтэйчүүдийн өвчинтэй холбоотой асуудлаар зөвлөгөө өгч олон хүнийг эмчилж ирсэн хүн юм. Сүүлийн 10 жилийн дотор тэдний уламжлалт эмийн сан нь сарын тэмдэгийн өвдөлт, эндометриоз, үргүйдэл, хорт хавдар, сэтгэл гутрал, таргалалт, гоо сайхантай холбоотой асуудлаар 50,000 хүнд зөвлөгөө өгч эмчилж ирсэн туршлага дээрээ тулгуурлан уг номыг бичжээ.
Зохиогчийн хэлсэн «Эмэгтэй хүний хүч бол цус» гэдэг үг гүнзгий сэтгэгдэл төрүүлэв.
Эмэгтэй хүн сарын тэмдэг, төрөлт, хүүхэд хөхүүлэх зэргээр цусаа байнга алдаж байдаг. Цус багадах, цусны эргэлт муу байх нь олон өвчний шалтгаан болоод зогсохгүй сэтгэл санааг тогтворгүй болгож хямраадаг байна. Цусны эргэлт нь бүх биеийн 60 наяд эд эсэд хүчилтөрөгч, шим тэжээлийг хүргэж, тархи даавраар дамжуулан сэтгэл санааг ч дэмжиж байдаг. Цусны эргэлтийн үүрэг бол
1. Усыг хадгалж барих
2. Хүргэх (...
ГЭДЭС
Aug 12, 2020
17 настай байхад минь хөл дээр яр шиг жижиг юм гарчихаж билээ. Тэгж байгаад зүгээр болно биз гээд хэрэгсэхгүй явтал улам томорч, газар авав. Тэгэхэд нь сандарч эмчид очтол олигтой юм хэлсэнгүй, тос түрх гэвээ. Сайжирлыг олсонгүй гайхаж суутал бүр үсэрхийлж нөгөө хөл дээр гараад сүүлдээ гар, нуруу бүр нүүр лүү асдаг байгаа. Аз болж тэр үед өвөл байсан тул битүү хувцастай. Нүүрийг минь харсан хүмүүс хомхойд долоолгож гэж л бодсон байх. Эмч нар яаж эмчлэх аргаа эс мэднэ. Мэдрэлийн гаралтай гэхээс цааш тоймтой онош, эмчилгээ ч зааж өгсөнгүй. Гормонтой тос түрхэхээр тэрүүхэн үедээ гайгүй болсноо буцаад гараад ирнэ. Энэ үед яг надтай адил асуудалтай хүний талаар сонсож мэдээд судлахад антибиотик ууснаас үүдэж ийм өвчтэй болсон байлаа. Би ингэж яртай болохоос өмнө 14 хоногийн өмнө антибиоток ууснаа саналаа. Ингээд арьсаа эмчлэх гэж байсан зүтгэлээ орхиод өөрийгөө дотроосоо эмчлэх ёстойгоо ухаарсан юм. Сүүн бүтээгдэхүүн, амьтны гаралтай бүтээгдэхүүн идэхээ больж, гурилан юмаа хязгаарлав....
Close
50% Complete
Two Step
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.